Vedat Muriqi është duke shkëlqyer në Turqi me ekipin e Rizesporit. Futbollisti shqiptar ka realizuar në ditën e djeshme ndaj Galatasarait, për të përmbushur një sezon të suksesshëm. Aktualisht shumë skuadra të njohura janë vendosur pas Muriqit, që e kërkojnë me ngulm gjatë verës.
Por nga vjen ky lojtar? Askush nuk e priste që sulmuesi në fjalë të mbërrinte në këtë pikë të karrierës. I dalë nga Liria e Prizrenit, Muriqi kaloi edhe te Besa e Teuta në Shqipëri. Kartoni i Muriqit vlen 7 milionë euro për ta blerë në merkato, ndërsa kur iu bashkua Rizesporit ishte vetëm 900 mijë euro. Përkushtimi i madh i futbollistit ka bërë që të thyhen të gjitha pritshmëritë që ishin për të. /Shqiperia.ch/