Mërgim Vojvoda është zyrtarizuar në ekipin e ri për sezonin e ardhshëm, atje ku do të luajë me Standard Liege. Më parë mbrojtësi i Kosovës ka luajtur me Mouscron dhe ky është një hap i madh për karrierën, pasi skuadra e re ka zënë vendin e tretë në Belgjikë.
Gjithçka është pasqyruar disa ditë më parë, por vetëm para pak minutash ka ardhur zyrtarizimi nga klubi belg. Me përfaqësuesen e Kosovës, Vojvoda ka zhvilluar një performancë të mirë, por sigurisht ajo që nuk hiqet nga kujtesa, ishte koha kur luante për Shqipërinë U-21. Asokohe të gjithë tifozët shqiptarë mahniteshin me krahun e djathtë të mbrojtjes kuqezi, që gjithmonë bënte dallim nga gjithë pjesa tjetër e kuqezinjve. /Shqiperia.ch/
