Një lajm i bujshëm vjen nga Kosova, atje ku është planifikuar një miqësore e ekipit shqiptar, Feronikelit, me ekipin e Milanit. Kërkesa i ka mbërritur gjigantit italian sipas asaj që raporton “Gazeta Olle”, ndërsa përgjigja përfundimtare do të kthehet brenda pak ditësh.
E gjitha kjo vonesë vjen më shumë pasi italianët kërkojnë të shohin axhendën e tyre, por gjasat janë të mëdha që të luhet në “Fadil Vokrri”. Flitet për datën 10 gusht, me një tjetër ndeshje feste që do të ishte për tifozët shqiptarë, duke parë numrin e madh të mbështetësve që kanë gjigantët e Serisë A në trevat tona. /Shqiperia.ch/