Partizani ka arritur të mposht sërish Tiranën në derbin e Shqipërisë, këtë herë me rezultatin 2-1. Të kuqtë ia kanë dalë me përmbysje, teksa fillimisht ishin miqtë ata që po kryesonin falë golit të Halilit në minutën e 50.
Si një histori përralle, Rubin Hebaj padyshim që po jeton momentet më të mira të viteve të fundit. Fillimisht talenti i Shpresave ka qenë në stol te Partizani. Në takimin e fundit me Shqipërinë U-21, Hebaj ishte vendimtar me dy golat e tij ndaj Maltës.
E për të vazhduar më tej, këtë herë është i njëjti lojtar që vendos historikun e derbit. Partizani arrin të fitojë me rezultatin 2-1, falë dopietës të bërë realitet nga ana e sulmuesit shkodran. Si në një përrallë, sulmuesi shqiptar është duke përjetuar ëndrrën më të bukur. /Shqiperia.ch/