Luca Beckbenauer është një prej futbollistëve të rinjë të Hanoverit, që shihen me potencial për të ardhmen. Faktikisht, klubi i Hanoverit është kthyer në një thesar për lojtarët e rinjë, teksa shumë futbollistë të talentuar gjenden në këtë skuadër.
Mes tyre edhe futbollist shqiptar, Florent Muslija, që është kthyer në një idhull për tifozët. E ndërkohë që Luca Beckbenauer mund të mendohet se futet në formacion, vetëm me mbiemrin që zotëron dhe ndikimin e madh që ka bërë ky mbiemër në historinë e futbollit gjerman, në këtë vend dijnë t’i ndajnë disa gjëra.
Në këtë mendim është trajneri i Hanoverit, Breiternreiter: “Emri apo mbiemri i lojtarit për mua nuk ka rëndësi. Do e shoh Lucan si të gjithë të tjerët. Babain e tij e kemi lënë jashtë kësaj çështje. Por unë mendoj se dhe vetë lojtari duhet të ketë ego për të treguar sesi quhet vjen dhe jo se nga vjen. Kjo është filozofia që ndjekim ne me lojtarët e rinjë”, u shpreh trajneri i ekipit gjerman. /Shqiperia.ch/