Klubet e mëdha europiane kujdesen deri në detaje përpara se të blejnë futbollistët dhe t’i transferojnë ata gjatë përiudhës së merkatos. Por jo gjithmonë e gjitha kjo rezulton shumë efektive, pasi ndonjëherë bëhen edhe disa gabime fatale.
Ashtu siç ka ndodhur me rastin e Manchester United ndaj De Ligt, mbrojtësit të ri më të mirë në Europë. Sipas një historie të treguar nga vetë lojtari për “Daily Mirror”, “djajtë e kuq” kishin hequr dorë nga lojtari holandez pasi e kishte babain shumë të shëndoshë.
Anglezët menduan se do të ishte gjenetike dhe De Ligt do të dilte brenda pak kohësh jashtë formës që zotëronte, duke hequr dorë përfundimisht nga mbrojtësi. “Babai im është shumë i shëndoshë dhe kjo ishte arsyeja se përse nuk më kanë marrë. Paraja nuk luan një rol të rëndësishëm në zgjedhjen time. Të gjitha ata që më njohin, e dinë këtë gjë”, ka thënë mes të tjerash De Ligt. /Shqiperia.ch/