Rei Manaj u largua nga stërvitja e Albasetes, për të udhëtuar drejt Milanos. Gjithçka e zyrtarizuan mediat spanjolle, duke theksuar se ky vendim i lojtarit erdhi me lejen e klubit.
Duke ditur momentin delikat në të cilin ndodhet ekipi spanjoll, vetëm një arsye e fortë mund ta ketë detyruar trajnerin që të heq dorë nga Manaj, megjithëse u rikthye sërish sot me grupin e stërvitjes. Për momentin, arsyeja e udhëtimit të sulmuesit drejt Milanos mbetet ende mister, ndërsa nuk përjashtohet edhe mundësia e përfshirjes së merkatos.
Kartoni i Manajt zotërohet ende nga Interi, ndërsa së fundmi janë shtuar shumë zërat e një largimi përfundimtar të futbollistit kuqezi nga Albacete. Kjo pasi nuk po kalon një formë aspak të mirë në vitin 2019 me 0 gola, ndryshe nga sezoni i parë. /Shqiperia.ch/