Reja po vazhdon me stërvitjen e një pjese të lojtarëve shqiptarë në “Tropikal’, për t’i pasur të gatshëm në përballjet ndaj Islandës dhe Moldavisë. Gjithashtu në këtë grumbullim të rrallë, janë bashkuar edhe disa futbollistë të U-21 që do të shkojnë te Alban Bushi.
Së fundmi, FSHF përmes njoftimit për mediat, është shprehur se mesfushori Jurgen Çelhaka do t’i bashkohet pjesë tjetër të lojtarëve në “Tropikal”. Mesfushori i Tiranës është pjesë e Shqipërisë U-20.
Por këto ditë stërvitje për të do të jenë ndryshe, pasi do të ketë vështrimin e trajnerit Edi Reja, pa harruar edhe Hamdi Salihin. Bomberi i Kombëtares është personi që merret së tepërmi me stërvitjen e lojtarëve që luajnë me grupmoshat e vogla të kuqezinjve. /Shqiperia.ch/