Benjamin Kololli, është një nga futbollistët me vlerën më të jashtëzakonshme te grupi i Kosovës. Te Zyrihu është gjithashtu titullar i padiskutueshëm, duke e ndihmuar skuadrën zvicerane për të arritur rezultate pozitive.
Nëse ka një pikë të dobët ky lojtar, është padyshim natyra e vështirë për t’u kontrolluar nga ana e trajnerit. Madje në Zvicër Kololli ka arritur deri aty aqsa të thyej edhe pankinën, vetëm sepse trajneri e zëvendësoi para mbylljes së takimit. Në një intervistë për mediat zvicerane, lojtari shprehet:
“Ka mosmarrëveshje në të gjitha aspektet, me partnerin, prindërit, vëllezërit e motrat. Nuk jam gjithmonë dakord me trajnerët. Për sa kohë ka respekt aty, kjo nuk është problem. Sa i përket asaj rënie times kur po festoja ndaj AEL, në rrethimin e stadiumit, miqtë më kanë thënë: “Benxhi, këtë vetëm t’i mundet ta bësh”. Për fat të mirë nuk e kam lënduar veten, ishte shumë qesharake”, ka thënë Kololli. /Shqiperia.ch/