Vetëm një ndeshje i është dashur Keidi Bares me trajnerin e ri të Malagas, Viktor Sançez, që më parë ka luajtur me Realin e Madridit. Një shkëlqim i menjëhershëm nga mesfushori shqiptar, që ka rikthyer dashurinë e tifozëve, megjithëse në kohët e fundit e shihte gjithmonë stolin.
Në këtë mendim është edhe sulmuesi i Malagas, Adrian, i cili shprehet se Bare bëri një nga ndeshjet më të mira që kur i është bashkuar ekipit kundër Alkorkonit.
“Në nivelin mbrojtës, shqiptari ishte shumë i mirë dhe i vidhte topa kundërshtarit. Në aspektin sulmues gjithashtu, duke na ndihmuar gjithmonë me topat. Bare pozicionohej mirë dhe për mua bëri një nga ndeshjet më të mira që kur ka ardhur këtu”, ka thënë Adrian. /Shqiperia.ch/