“Shqiperia.ch” ka publikuar pak kohë më parë ekskluziven se vendimi i Valon Hamdiut kishte mbërritur në zyrat e FSHF-së. Mbrojtësi i Winterthurit zgjodhi të mos i bashkohej kuqezinjve, pavarësisht se trajneri Alban Bushi kishte udhëtuar enkas për ta ndjekur në stadium.
Së fundmi është vetë Hamdiu që e pohon faktin se do t’i bashkohet Kosovës, në një prononcim dhënë për “Lajm”. Madje, lojtari i zviceranëve u shpreh se kishte një interesim edhe nga ana e Maqedonisë për të.
“Kam zgjedh përfaqësuesen e Kosovës, edhe pse kisha mundësi të luaj për Shqipërinë ose Maqedoninë. Kosova nga dita e parë kishte shprehur interesim për mua dhe më ftoi. Në grumbullimin e fundit më pëlqeu shumë ambienti si në mesin e futbollistëve, gjithashtu edhe në stafin teknik”, tha Hamdiu. /Shqiperia.ch/