
Tashmë jemi mësuar që futbollistët shqiptarë të luajnë për përfaqësuese dhe Kombëtare të tjera në Europë. Një prej tyre, është edhe futbollisti i Leeds, Alioski. Ky i fundit është me prejardhje shqiptare, por ka zgjedhur që të luaj me Maqedoninë Veriore.
Madje do të na shënonte edhe në vendin tonë, në atë fitore me përmbysje që merrnin djemtë e De Biazit me rezultatin 2-1. Ndërkohë Alioski ka kërcyer në dy raste me valle shqiptare, gjatë festës së golave te Maqedonia Veriore.
Por kur pyetet se kujt i përket, sulmuesi e ka përgjigjen gati me krenarinë e pakuptimë. “Për mua ekziston vetëm Maqedonia dhe asnjë tjetër. Kurrë nuk e mendova që të përfaqësoja dikë tjetër. Zvicra u interesua për mua pasi po luaja mirë në ato kohë, por e kam krenari të luaj me Maqedoninë”, shprehet Alioski. /Shqiperia.ch/