Përjashtimi i Strakoshës nga Shqipëria për shkak të vonesës dhe mos arritjes në kohë, ka bërë që vendi i titullarit te Kombëtarja t’i hapet Berishës në portë. Tashmë do të jetë ky i fundit nga minuta e parë, për të luajtur ndaj Turqisë.
Por për tifozët gardiani i Atalantës nuk shihet më si një garanci, duke marrë parasysh formën që po kalonte Strakosha. Gjithsesi, në këto momente vendimtare të Kombëtares, shërben shumë edhe eksperienca e madhe e Etrit Berishës.
Duke parë gjithë kontributin e dhënë për Shqipërinë dhe nivelin e treguar së fundmi, më e pakta që Berisha meriton në këto momente, është besimi. Madje ky do të ishte një nga të paktët lojtarë që ulërine dhe derdhte lot në fushën e blertë, kur Shqipëria shpërfytyrohej në miqësore, në takime si ai ndaj Ukrainës ku humbëm me rezultatin 1-4. /Shqiperia.ch/