Një nga skuadrat më me emër në Angli, është edhe Arsenali. Ditën e djeshme topçinjtë u mposhtën me rezultatin 3 me 2 nga skuadra e Sauthamtonit. Këta të fundit arritën të ndërprenin ecurinë pozitive të Arsenalit, të cilët kishin plot 22 ndeshje pa humbur.
Ajo çka vlen për t’u theksuar është se kjo disfatë u pësua pikërisht nga një gabim i portierit të tyre, Leno, pasi ky i fundit bën një dalje të gabuar në minutën e 85. Përsa i përket futbollistit me origjinë shqiptare, Granit Xhaka, luajti këtë sfidë që nga minuta e parë. Mbrojtësi Mustafi në këtë sfidë ishte i pezulluar, ku mund të themi se mungesa e tij në qëndër të prapavijës së Arsenalit, ndikoi edhe në rezultatin e ndeshjes.
Sauthemtoni arriti të mposhte skuadrën e drejtuar nga Emeri, pas plot 3 vitesh. Fitoren e fundit të tyre përballë Arsenalit e kishin që në 1 shtator të vitit 2015. Për të kuptuar pikën se ku kanë mbërritur topçinjtë pa Vengerin në stol, teksa shihet si dështim një humbje pas 22 ndeshjeve. /Shqiperia.ch/