Goglat e shortit për kualifikueset e Europianit 2021 sa i përket të rinjëve kanë qenë disi ironike, pasi fati ka vendosur për herë të parë përballë njëra tjetrës Shqipërinë dhe Kosovën.
Ky është një realitet i ri me të cilin duhet të mësohemi, pasi një gjë e tillë mund të ndodh edhe pas disa vitesh me Kombëtaret e para. Trajneri i U-21 të Kosovës, Rafet Prekazi shprehet se nuk e dëshironte Shqipërinë në të njëjtin grup. Në një intervistë për “Gazeta Olle”, tekniku dardanas gjithsesi shprehet se diçka e tillë është e llogjikshme dhe e menduar më herët, pasi Kosova kaloi dy vazo falë paraqitjeve të saj.
“Nuk e kam menduar këtë, por pasi ne kemi kaluar dy vazo, atëherë edhe kjo ka qenë e mundur dhe dëshira ime ishte të mos jemi me Shqipërinë në grup. Për ndeshjen me Shqipërinë dhe kundërshtarët tjerë do të flasim kur të vije koha”, u shpreh Prekazi. /Shqiperia.ch/