Një fillim sezoni me shumë lëkundje ky i Taulant Xhakës, ashtu si edhe vetë momenti që po kalon Bazeli. Kampionati është mbyllur përpara kohe, pasi Young Boysit që e ka nisur prej kohësh shkëputjen. Kjo ka sjellë një krizë dhe kaos të madh te Bazeli, që kulmoi pas humbjes në ndeshjen direkte që përfundoi me rezultatin 1-3.
Futbollistët e ekipit të njohur zviceran, janë ankuar te drejtori sportiv Marco Streller dhe presidenti Burgener për trajnerin e tyre. Marrdhënia është ftohur ndjeshëm dhe situata ka dalë nga duart. Aktualisht presidenti i skuadrës ndodhet në Afrikën e Jugut, e për këtë arsye trajneri Koller vazhdon në kryesimin e skuadrës sikur asgjë të mos kishte ndodhur.
Në fundjavë Bazeli ka arritur t’i rikthehet fitores, por ndryshimet nuk janë të mëdha. Kryengritja ndaj trajnerit vazhdon të jetë po e njëjta, ndërsa mediat zvicerane se deri për Krishtlindje do të ketë “armëpushim”. Futbollistët duhet të ulin tonet e të presin marrjen e vendimit, me Taulant Xhakën që në drejtimin e Kollerit ka përjetuar gjithçka, nga lënia në stol, tek detyra e qendërmbrojtësi dhe gradimi si kapiten. /Shqiperia.ch/