Skuadra që është në krye të kampionatit shqiptar, Partizani ditën e nesërme luan kundër ekipit të Teutës në qytetin e Durrësit. Tashmë të kuqtë shquhen për mbështetjen masive që kanë nga tifozët e tyre por jo vetëm kur luan në Tiranë, por edhe jashtë saj.
Mjaftojmë të kujtojmë kohën kur ekipi i Partizanit militonte në kategoritë e ulta dhe mbështetja sërisht nuk mungonte, ndonëse edhe shumë larg qytetit të Tiranës. Ditën e nesërme pritet një “Niko Dovana” i tejmbushur, si nga tifozë durrsakë, ashtu edhe nga kryeqyteti.
Vlen për t’u theksuar se ditën e djeshme, thuajse të gjithë futbollistët e skuadrës së kuqe, kanë postuar në “Instagram”, duke ftuar të gjithë tifozët e Partizanit të jenë sa më të shumtë në këtë transfertë të vështirë.
Tashmë ata gjenden në vendin e parë me 4 pikë më shumë se skuadra e Skëndërbeut dhe për të mbajtur këtë ritëm, duhet edhe mbështetja e tifozerisë së kuqe, ndonëse kjo nuk u ka munguar kurrë. /Shqiperia.ch/