Kosova do të përballet ndaj Malit të Zi në kualifikueset të Europianit 2020, në bazë të shortit që është hedhur në Dublin.
Një situatë e veçantë është ajo e këtyre përfaqësueseve, pasi dy lojtarë do të luajnë me fanellën dhe në vendin e gabuar. Arijanet Muriq, ka qenë më parë pjesë e të rinjëve të Malit të Zi. Sjellja e tij e gabuar në disa raste dhe vonimi i ftesës nga Kombëtarja e parë, ka bërë që portieri i Manchester City të largohet prej andej.
Kosova e mirëpriti, ndërsa tashmë Muriq ka marrë edhe vendin e titullarit te dardanët. Pas pak muajsh, do të ketë mundësinë të luajë ndaj Kombëtares, ku duhej të ishte pjesë. Nga ana tjetër, Mali i Zi ka në përbërje dhe udhëhiqet nga një sulmues shqiptar. Fatos Beqiraj duhej t’i përkiste Kosovës, megjithëse karriera e tij dhe vlerësimi që i është bërë, rrodhi në atë mënyrë, për të përfunduar në këtë situatë. /Shqiperia.ch/