Shqipëria ka mësuar shortin për kualifikueset e Europianit 2020, teksa do të përballet ndaj Francës, Islandës, Turqisë, Andorrës dhe Moldavisë.
Një detaj shumë i veçantë nga të gjithë këta kundërshtarë, padyshim që vjen nga Islanda. E për të qenë më konkretë, nga mbiemrat e futbollistëve të tyre. Nëse shohim emërtimin që vjen nga fanella e këtyre lojtarëve, gjithmonë kanë prapashtesën (-son).
Kjo është veçoria e ishullit nordik, që ka një sistem më të veçantë, nga ai që ne jemi mësuar. Në vendin e Islandës, fëmija nuk merr mbiemrin e babait apo të nënës. Trashëgimia atje vendoset bazuar në emër, teksa fëmijët marrin emrin e parë të babait dhe i shtojnë prapashtesën (-son). Pra nëse djali i Lorik Canës, duke marrë për bazë faktin se është legjenda e kombëtares tonë, do të lindte në Islandë, atëherë ai do të quhej “Lorikson”. /Shqiperia.ch/