Napoli i Elseid Hysajt përballet kundër skuadrës serbe të Cervena Zvedës në stadiumin e famshëm italian “Sao Paulo”. Për ekipin serb shihet si një transfertë e vështirë kjo e sotmja, për të marrë një fitore që e ëndërrojnë. Por kjo gjë nuk ka ndaluar ultrasit e kësaj skuadre për të udhëtuar, teksa sipas të dhënave të fundit, raportohen se janë të pranishëm rreth 4.000 tifozë serbë të Crevena Zvezdës.
Media serbe “Kurir” ka raportuar në faqen e saj se përpara stadiumit të Napolit dëgjohen vetëm brohoritjet e Delijeve (tifogrupi i skuadrës së Crevena Zvezdës), me thirrjet e tyre “Kosova është Serbi”. Mesa duket koret raciste nuk kanë të ndaluar as në një përballje të vlefshme për Champions League.
Ndonëse këto thirrje kanë ardhur nga jashtë stadiumit, një gjë e tillë pritet edhe gjatë momentit kur të zhvillohet ndeshja. Ajo çka është për t’u habitur është fakti se nuk është hera e parë që ndodh një gjë e tillë, ndërsa organi më i lartë drejtues i futbollit europian, UEFA, ende nuk ka marrë ndonjë masë për këto thirrje raciste. /Shqiperia.ch/