Edhe pak ditë na ndajnë nga shorti i grupeve eliminatore të vlefshmë për Europanin 2020, teksa është planifikuar që ky short të hidhet në datën 2 dhjetor, pra vetëm pas 4 ditësh. Aty do të vendoset edhe fati i goglave për kuqëzinjtë tanë, ku seleksionimi i Kombëtareve përkatëse do të njihen me ekipet kundërshtare.
E vetmja gjë që Shqipërinë mund të themi se e frikëson është se goglat mund t’i rezervojnë grupit të Panuçit panzerat e Gjermanisë. Një gjë kjo që do të sillte ndërmend shortin e eleminatoreve të Botërorit të shkuar, ku Shqipëria pati në grup Spanjën dhe Italinë, pak a shumë në një histori që u mbyll ende pa u hapur.
Për “Shqiperia.ch” legjionari i Kombëtares tonë, Ermir Lenjani, u shpreh se do të ishte shumë i lumtur në rast se shorti i kualifikueseve të Europianit do të na rezervonte Gjemaninë. Pavarësisht sfidës së luksit që do i ofronte futbollistëve shqiptarë një përballje e tillë, nga ana tjetër do të ishte e pamundur të shpresonim kalimin më tej.
Por sa mundësi ka që kjo gjë të përsëritet? Tashmë kjo gjë pritet të mësohet në datën 2 dhjetor, në shortin që do të hidhet në Dublin të Irlandës. /Shqiperia.ch/
Vazo e parë: Belgjikë, Francë, Spanjë, Itali, Kroaci, Poloni
Vazo e dytë: Gjermania, Islanda, Bosnja & Herzegovina, Ukraina, Danimarka Suedia, Rusia, Austria, Uellsi, ÇekiaVazo e tretë: Sllovakia, Turqia, Irlanda, Irlanda e Veriut, Skocia, Norvegjia, Serbia, Finlanda, Bullgaria, Izrael
Vazo e katërt: Hungaria, Rumania, Greqia, Shqipëria, Mali i Zi, Qipro, Estonia, Sllovenia, Lituania, Gjeorgjia
Vazo e pestë: Maqedonia, Kosova, Bjellorusia, Luksemburg, Armenia, Azerbajxhan, Kazakistan, Moldovia, Gjibraltar, Ishujt Faroe
Vazo e gjashtë: Letonia, Litejshtein, Andora, Malta, San Marino