Pas njëfarë dyndje masive që tifozët skocezë na bënë së fundmi, teksa një numër të atillë të lartë prej 2.000 tifozësh në vendin tonë nuk e kishim parë asnjëherë më parë, tashmë është momenti i Uellsit. Sa i përket miqëve që na vijnë në Shqipëri, historia ndryshon pak për të mos thënë aspak.
Flasim për një numër të njëjtë tifozësh, që priten edhe në “Elbasan Arena” për miqësoren e sotme nga tifozët që udhëtojnë, ashtu siç ishte edhe në “Loro Boriçi”. Sjellja dhe karakteristika e tyre duket po njësoj, megjithëse Tirana këto kohë ndjen mungesën e fustanellave rrugëve të saj. Për të treguar pak më tepër për tifozët e Uellsit, shërben kjo speciale e ardhur nga “Shqiperia.ch”.
Tifozët miq janë shumë të apasionuar pas pijeve alkolike e sidomos birrave, ndërsa një dëshirë akoma edhe më të madhe kanë jetën e natës. Zonën më të frekuentuar në Tiranë e kanë gjetur menjëherë, Bllokun, ndërsa atje i shihje të shumtë në numër.
Ne kemi arritur t’i shkëpusim dy fjalë një grupi të vogël tifozësh uellsian, për të kuptuar se çfarë i bën përshtypje në Shqipëri: “Vend që të lë mbresa vërtet shumë të mira Shqipëria. Por kemi vetëm një pyetje ju lutem: “Na ndihmoni dot me ndonjë lokal nate? Ku ka këtu në Tiranë?”
Kjo ishte dëshira e tyre më e madhe, për të përmbushur në këtë udhëtim që kishin ndërrmarë, përveç pjesës së pranisë në stadium. Nga fytyrat e tyre dhe mënyrës sesi e konsumonin atë pije që kishin në tavolinë, dukeshin lehtësisht që kishin ardhur pak si shumë në qejf. E megjithatë, kemi qenë edhe dëshmitar të një episodi shumë të bukur.
Në një prej lokaleve të Tiranës në Bllok, njërit prej klientëve shqiptarë i humb portofoli, duke iu rrëzuar pikërisht në zonën ku ishin disa tifozë të Uellsit. Nuk ishte e largët minuta kur këta të fundit kanë nisur të ngrenë zërin më shumë se nga më parë, me të vetmin qëllim për të dorëzuar atë portofol në vendin e duhur dhe personit që i takonte. /Klaudio Ndreca- Shqiperia.ch/