Shqipëria është mundur thellë në ditën e sotme, me rezultatin 0-4 ndaj Skocisë së McLeish. Surprizuese ishte ky rezultat edhe për vetë miqtë, që prisnin ta kishin më të vështirë në “Loro Boriçi”.
Skuadra nuk i përgjigjet në mënyrën e duhur trajnerit dhe kjo është mëse e qartë. Në një intervistë për “Supersport”, tekniku Panuçi ka vendosur theksin se gjithçka ndaj Skocisë ka ardhur për shkak të gabimeve të tij dhe jo të futbollistëve.
“Na eci shumë ters, e pësuam me golin e parë. Dalja e Mavraj e dërgoi edhe më keq ndeshjen, ndërsa ai goli i dytë në fundin e pjesës së parë, thjeshtë e mbylli ndeshjen. Gjithçka sot ishte faji im. I marr përsipër të gjitha përgjegjësitë për këtë humbje. Ishte faji im, jo i djemëve.
Unë besoj shumë te Shqipëria, do të mundohemi të riparohemi gjërat që nuk kanë shkuar. Gjërat na dolën jashtë kontrollit, por kualiteti mbetet aty. Nuk ndihem i tradhëtuar nga lojtarët, e përsëris që ishte vetëm faji im.Ofendimet e tifozëve? Më mirë që ndodhi ndaj meje sesa ndaj lojtarëve”, u shpreh Panuçi. /Shqiperia.ch/