Shqipëri-Skoci ka nisur përpara kohe, nëse mund ta quajmë kështu, pasi gjatë ditës së sotme është zhvilluar edhe një ndeshje mes dy tifozerivë besnike të Kombëtareve përkatëse.
Kështu, TKZ është përballur me Tartan Army Select, në takimin që është mbyllur me shifrat e barabarta 1-1. Golin e vetëm për tifozët shqiptarë, e ka shënuar Karpuzi në minutën e 32.
Në këtë mënyrë do të mbyllej pjesa e parë, ndërsa në të dytën do të vinte edhe goli i barazimit nga miqtë. Në fund ka vend për shumë festë nga tifozët që gjendeshin brenda fushës së blertë, me ata jashtë saj. Një performancë dinjitoze brenda dhe jashtë fushës, TKZ nuk të zhgënjen asnjëherë. /Shqiperia.ch/