Shqipëria luan nesër sfidën e fund të saj përsa i përket “Ligës së Kombeve”, teksa në këtë përballje do të ketë Kombëtaren e Skocisë. Ndonëse shpresat për një kalim në fazën tjetër të këtij kompeticioni janë të pakëta, futbollistët do të kërkojnë të marrin maksimumin nga kjo sfidë, për të rritur entuziazmin te tifozët.
Në konferencën për shtyp, ishte i pranishëm edhe Mërgim Mavraj që ka dhuruar spektakël në konferencë, ndërsa shprehet se kërkohen 11 ushtarë dhe kapitenë në fushë.
“Përgjegjësia është e çdo lojtari që është në fushë. E dimë që duhet të përmirsojmë këtë pjesë dhe po u përmirësua kjo gjë kemi shumë gjasa të fitojmë ndaj Skocisë.
Është shumë e vështirë për të treguar një recetë se si mbrohet porta. Si grup duhet t’i rrallojmë gabimet individuale. Nuk kemi patur fat, por në të kaluarën kemi treguar vlerat tona në mbrojtje dhe me një paraqitje të mirë mund të mos pësojmë këtë herë.
Kemi punuar shumë me goditjet standarte. Duhet një vëmendje e jashtëzakonshme në ndeshje, sepse kur jemi të pavëmëndshëm e pësojmë. Goditjet standarte në futboll kanë fituar shumë vlerë dhe më shumë është vullneti për ti evituar sesa për t’u stërvitur.
Kur je në stadium me 50 mijë shikues është shumë vështirë që një lojtar e ka fajin. Jemi 11 lojtarë në fushë për të mbrojtur portën. Mundohem t’i orientoj lojtarët, është portieri tek goditjet standarte, të gjithë kemi orientim për të mbrojtur portën. Nuk ka garanci asnjëherë që të mos pësojmë. Na duhen 11 ushtarë dhe kapitenë në fushë”, është shprehur Mavraj, që në fund ka dhuruar edhe spektakël, duke buzëqeshur dhe shkelur syrin tek të pranishmit në konferencë. /Shqiperia.ch/