Në Angli është një nga mesfushorët më të mirë, dhe kjo jo më kot. Emri i Granitit do të kishte një rrjedh ndryshe nga çmund të imagjinohet. I vogli i familjes Xhaka ka bërë disa hapa më përpara vëllait të madh, por ky i fundit do të ishte pikërisht “shkëndija” që Graniti të ndizet. Në vitet e para të karrierës, skautët e Bazelit ishin të bindur se Taulanti duhej të ishte me patjetër në rradhët e ekipit të tyre.
Do të ishte Ragipi, babai i vëllezërve Xhaka, ai që do të kishte një ide akoma më të mirë për skuadrën e Bazelit. Taulanti do të pranonte të firmoste, por ajo firmë do të tërhiqte edhe Granitin. Një ide e zgjuar nga ana e prindit për fëmijët, ide e cila sot vlerësohet me “ar”. Këtë fakt e pranon vet Graniti. Mesfushori i Arsenalit ka rrëfyer pikënisjen e karrierës së tij në futboll. Një karrier që sot padiskutim i dedikohet familjes që u përkujdes për të.
“Taulanti është më i talentuar se unë. Karakteristika ime kryesore është se jam punëtor i madh. Nëse duhet bërë diçka nuk e lë për nesër, por e bëj sot dhe nesër. Unë jam pranuar në Bazel falë vëllait dhe babit tim. Ata donin që të merrnin vetëm Taulantin, por babai u tha: ‘O të dy, o asnjërin’. Ndaj u detyruan të më merrnin edhe mua”, ka treguar Graniti./Shqiperia.ch/
Burimi: “Gazeta Sheshi”