Megjithëse për momentin asgjë nuk është konfirmuar në rrugë zyrtare, nuk duhet të surprizohemi nëse Besnik Hasi rikthehet te Anderlehti pas vetëm pak kohësh.
Aventura e teknikut shqiptar në Arabi është e gjitha vetëm për t’u harruar. Në tetë takimet e këtij sezoni, Al Raedi ka fituar vetëm dy ndeshje, barazuar po aq dhe humbur katër takime. Mes 9 golave të shënuar dhe 15 të pësuar, flitet qartë se Arabia nuk është vendi ku Hasi mund të bëj çudinë.
E njëjta situatë flitet edhe te gjigantët belg, që nga moment në moment mund të shkarkojnë trajnerin. Anderlehti në kampionat ka humbur jo pak terren, duke e lënë Genkun të shkëputet shumë përpara. Sa i përket “Europa League”, është një kompeticion që e mbyllën para kohe, pasi janë në vendin e fundit me 1 pikë.
Në kushte të tilla, thirrjet e tifozëve për të marrë Hasin te ekipi i Anderlehtit po shtohen gjithmonë e më shumë, kjo nisur edhe nga historia. Në një moment të tillë, madje edhe më të keq, e morri Hasin Anderlehtin përpara disa sezonesh, duke ngritur edhe titullin kampion. E këtë gjë, mund ta përsëriste sërish në një situatë të tillë, ngelet vetëm të shihet se çfarë lëvizjesh do të bëhen në ditët në vijim.
Nëse diçka e tillë do të ndodhte, atëherë Abazaj mund të luante edhe shansin e tij të fundit, përpara një huazimi të mundshëm apo shitje nga klubi i Anderlehtit. /Shqiperia.ch/