Milani ka marrë një fitore që i ka bërë të gjithë tifozët e saj me zemër, pasi erdhi vetëm në sekondën e fundit të takimit. E sikur të mos mjaftonte mënyra sesi u realizua nga Romagnoli, anësori ngriti flamurin për pozicion jashtë loje. Do të ishte VAR-i ai që do i rikthente golin kuqezinjve, për të marrë tre pikët në këtë takim.
Në fund, shumë i gëzuar është shfaqur Gatuzo, ndërsa me nënkuptim flet për frymën që ka futur në skuadër, duke u shprehur se topi nuk rëndon më shumë se 100 kile për lojtarët e tij.
“Si është të vish pas dy fitoresh në minutat e fundit? Një shpërthim më vete, por edhe djeg kur humbet, sepse ne e provuam në derbi ndaj Interit. Gjithsesi, këtë herë e kemi merituar fitoren, pavarësisht se vuajtëm dhe e dinim se Udineze ishte një ekip shumë i fortë. Kur lojtarët e marrin topin në zotërim, atëherë sfera nuk rëndon më shumë sesa 100 kile.
Nesër do ua jap ditën pushim, për t’u përgatitur më pas për Betisin. Jam shumë i lumktur për pjesën e dytë që zhvilluan djemtë e mi”, u shpreh Gattuzo. /Shqiperia.ch/