Të jesh pjesë e ekipit të Verderit, nuk është aspak e lehtë dhe për më tepër të jesh një futbollist titullar i ekipit të Bundesligës.
Milot Rashica është padyshim një nga futbollistët më të mirë shqiptar dhe më të talentuar, por ende nuk i është dhënë hapësira e duhur nga gjermanët. Ndonjëherë duhet të jesh në vendin dhe momentin e duhur, Rashica nuk po i arrin t’i kordinojë këto të dyja.
Një gabim në fushën e lojës, mjafton që te Verderi të nxjerrin të tepërt, pasi flitet për nivelet më të larta të futbollit europian. Rashica punon qetësisht dhe tashmë bëhet gati për një tjetër jehonë në Gjermani. Në konferencën për shtyp të ditës së sotme, trajneri Kohfeldt shprehet se Milot Rashica i ka lënë impresione shumë të mira në stërvitje dhe tashmë po mendohet për aktivizimin e tij nga minuta e parë, megjithëse flitet për një vendim që nuk është aspak i lehtë.
“Rashica dhe Kainz më ka lënë përshtypje jashtëzakonisht shumë të mira në stërvitje. Këtu bëhet fjalë për një vendim shumë të vështirë”, shprehet Kohfeldt. /Shqiperia.ch/