Megjithëse në takimet që Guardiola e ka aktivizuar, nuk është dashur shumë ndërhyrja e tij, Muriq është padyshim një portier premtues për të ardhmen. Në dy takimet e fundit të Kupës që tekniku i Manchester Sitit i ka besuar, “qytetarët” nuk kanë pësuar asnjë gol.
E megjithatë, pavarësisht se nuk ka pasur shumë punë në portën e tij në ndeshje të këtij niveli, Muriq ka treguar qetësi dhe saktësi të madhe në lojën me këmbë. Ky është komenti i parë që i bëhet këtij futbollisti, duke u vlerësuar pozitivisht nga mediat pranë klubit anglez.
Nga ana tjetër, nëse i rikthehemi pas të gjitha ndeshjeve që ka zhvilluar Muriq, ky i fundit ka 450 minuta që nuk po arrin të pësojë gol, duke qenë një siguri e madhe në prapavijë. /Shqiperia.ch/