Deri më tani Strakosha nuk po preferohej si titullarë nga ana e Inzaghit në “Europa League”. Kjo për të vetmen arsye, për t’i dhënë më shumë minuta portierit të dytë, Protos, ndërkohë Strakosha fitonte më shumë periudhë pushimi, për të qenë i gatshëm në takimet më të rëndësishme.
Kampionati është ai që ka më tepër rëndësi për lacialët dhe Inzaghi e ka të qartë këtë gjë. E megjithatë, teksa Proto pritej te 11-shja titullare, tekniku italian ka ndryshuar vendimin në minutat e fundit.
Strakosha do të jetë titullarë edhe në takimin ndaj Marsejës, pasi flasim për një kundërshtar të nivelit të lartë, që mund të hap goxha probleme në fushën e tij. /Shqiperia.ch/