Ditën e nesërme luhet sifda mes Olimpik Marsej kundër skuadrës së gardianit kuqezi, Thomas Strakosha. Në mediat italiane thuajse është zyrtarizuar që Strakosha mungon sërisht në përballjet e “Europa Ligë”, ku trajneri i të kaltërve, Simone Inzaghi në këtë kompeticion preferon belgun, Silvio Proto.
Është pikërisht portieri i dytë i Lacios i cili ka luajtur edhe në sfidat e tjera të “Europa Ligë” këtë sezon, do të jetë sërisht nesër titullarë. Silvio Proto kërkon hakmarrje ditën e nesërme kundër skuadrës së Marsejës, ku këta të fundit sezonin e shkuar mposhtën ekipin e Ostendes, ndërsa Proto atë sfidë pësoi 4 gola nga francezët. Mesa duket portieri belg kërkon hakmarrjen, por tashmë me një klub tjetër siç është Lacio, pasi kundërshtari francezë i mohoi më parë pjesmarrjen në “Europa Ligë”.
Kjo është mundësia më e mirë për të, pasi mund të jetë hera e fundit për të kërkuar një hakmarrje kundrejt francezëve të Marsej, pasi duke parë formën e Strakoshës, portieri belg duhet të ndihet me fat që është titullarë. /Shqiperia.ch/