Atalanta ndodhet në një periudhë aspak të mirë në kampionatin italian, teksa nga fillimi i kampionatit, numëron vetëm një fitore të marrë që në nisjen e tij.
Në humbjen e pësuar ndaj Kajlarit, klubi nga Bergamo do të luante nga minuta e parë me dy shqiptarë, Gjimshiti dhe Berishën. Ndërsa në ndeshjet e fundit, trajneri Gasperini ka vendosur të largojë të dy lojtarët e Kombëtares nga fusha, duke i ulur në pankinë.
Situata mund të ndryshojë ndaj Torinos në javën e ardhshme dhe për këtë mund të ndikojë Berat Gjimshiti. Ky i fundit është në balotazh me Mancinin për një vend në mbrojtjen e Atalantës për takimin e radhës. Të shohim nëse mbrojtësi i Kombëtares do ia dalë në këtë duel, megjithatë një shenjë e mirë duket në horizont, drita ka nisur të shfaqet, Gasperini po e llogarit Gjimshitin në planet e tij. /Shqipëria.ch/