Një ditë historike ishte ajo për Kosovën në ndeshjen ndaj Ishujt Faroe, teksa “dardanët” kanë arritur të fitojnë me rezultatin 2-0, në ndeshjen e tyre të parë zyrtare në historinë e vëndit.

Kryevepra e Zenelit dhe goli i Nuhiut, mbylli llogaritë ndaj një kundërshtari modest, që rezistoi vetëm 45 minuta. Një sakrificë e jashtëzakonshme ishte ajo e bërë nga një djalë i vogël, më në veçanti kundrejt talentit shqiptar, Milot Rashica.

Ai mbante në dorë një dedikim për futbollistin e Verderit dhe kishte ardhur nga Kanadaja, duke i kërkuar fanellën futbollistit të Kosovës. Nuk mund të rezultonte ndryshe, Rashica ia ka dhuruar menjëherë në fundin e takimit fanellën djalit të vogël, për ta rikthyer të lumtur në udhëtimin e tij të gjatë për në Kanada. /Shqipëria.ch/

Nëse e vlerësoni punën e “Shqiperia.ch” si media e vetme e përkushtuar me lojtarët e Kombëtares dhe sportistët shqiptarë, mund të kontribuoni për zgjerimin e projektit dhe vazhdimësinë tonë në të ardhmen.