Shqipëria do të përballet ndaj Izraelit në datën 7 shtator, në takimin e vlefshëm për Ligën e Kombeve. Kjo ndeshje është shumë e rëndësishme për të dy Kombëtaret, sa i përket shanseve të tyre për t’u shkuar në Europian, pasi ky format i ri, ndihmon në arritjen e këtij suksesi.
Trajneri i Izraelit, Andreas Herzog, është shprehur se e njeh shumë mirë mentalitetin e Shqipërisë, ndërsa shprehet se e urren të humbas, duke paralajmëruar kështu se në “Elbasan Arena” do të jetë një ndeshje e luftuar deri në momentet e fundit.
“Liga e Kombeve fillon tani. Ky turne është diçka e re për çdo ekip, nuk ka lojëra miqësore. Ne do ta nisim kundër Shqipërisë, kjo është një mundësi e mirë që ne të lëvizim nga grupi C në B. Gjithashtu kjo është një tjetër mundësi e shkëlqyer për t`u kualifikuar për Euro 2020. Ne duam të kualifikohemi në “play-off”, finalja do të jetë në vitin 2020.
Por ne duhet të përqendrohemi në ndeshjen e ardhshme në Shqipëri. Shumica e lojtarëve janë grumbulluar. E rëndësishme është ta nisim me këmbën e djathtë turneun. Ne duhet të gjejmë ekuilibrin e duhur gjatë trajnimit sepse është fillimi i sezonit dhe jo të gjithë futbollistët janë njësoj. Këto janë të gjitha ndeshje finale ku duhet të jepet çdo gjë.
Unë urrej të humbas dhe më pas ta kaloj përgjegjësinë te lojtarët e mi. Ne duhet të kemi mentalitet fituesi, si mentaliteti im. Shqipëria është një ekip që ka bërë përparim të madh. Ata u kualifikuan në Euro 2016. E njoh mentalitetin e tyre luftarak dhe teknik”, ka thënë tekniku i Izrealit. /Shqipëria.ch/