Ekipi i Rangersit e ka humbur derbin e sotëm të zhvilluar kundër Cëltic me rezultatin 1-0, duke konfirmuar formën aspak pozitivë që po kalon në këtë kampionat.
Në këtë takim nuk ishte i pranishëm Eros Grezda, teksa ka firmosur vetëm pak ditë më parë me ekipin e Rangersit, që drejtohet nga legjenda angleze, Steven Gerrard. Ky i fundit e sheh t’i vështirësohen punët pas disa rezultateve negative të marra, por në deklaratën e dhënë pas përfundimit të takimit ndaj Cëltic, shprehet i lumtur se disa prej lojtarëve, ku përmend edhe Grezdën, kanë marrë ftesën nga Kombëtaret e tyre. Kjo pritet që t’i rikthejë ata edhe më të fortë në aspektin fizik.
“Kemi shumë lojtarë që janë thirrur nga Kombëtaret e tyre dhe kjo është një gjë e mirë. Grezda është njëri prej tyre, kjo gjë do i ndihmojë që të rikthehen edhe më të fortë në aspektin fizik. Kur të mbarojnë ndeshjet e Kombëtareve, shpresoj që ata të rikthehen edhe më të përgatitur”, ka thënë Gerrard. /Shqipëria.ch/