Hekuran Kryeziu është një mungesë thelbësore për ndeshjet që Kosova do të ketë në qershor, ndërsa ky mesfushor ka qënë i padiskutueshëm në drejtimin e Shaland. Gjithmonë në formacionin bazë, duke bërë diferencën në fushën e lojës.
Por operimi që ka bërë lojtari i Zyrihut, e largon atë për një kohë të gjatë nga futbolli. Për të zëvendësuar futbollistin në fjalë, Shaland ka thirrur kapitenin e parë që ka pasur Kosova pasi u pranua nga FIFA, Anel Rashkaj. Lajmi është publikuar nga “Indeksonline”, ndërsa mesfushori që luan me skuadrën suedeze të Eskilstuna, vjen pas 2 vitesh te dardanët, që në kohën e Albert Bunjakut. /Shqiperia.ch/