Granada fitoi me rezultatin 1-0 në transfertën e vështirë ndaj Albasetes, atje ku diskutohej për vendin e dytë, që të jep një biletë direkte për në “La Liga”. Nga minuta e parë e nisi takimin Rei Manaj, por pa mundur të lërë gjurmë ndaj ish-skuadrës së tij.
Gjithsesi paraqitja e sulmuesit shqiptar ishte pozitive, pavarësisht se nuk arriti të shënonte në portën kundërshtare. Trajneri i Granadas, Diego Martinez, është shprehur pas ndeshjes se mbrojtja kishte shumë probleme nga mënyra sesi u paraqit lojtari kuqezi.
“Në pjesën e mbrojtjes, kishim shumë problem me Manajn dhe Zozulia. Ata na kushtuan shumë gjatë ndeshjes, pasi nuk shtynim dot përpara”, ka thënë trajneri i Granadas. /Shqiperia.ch/