Vetëm 33 ditë qëndroi Stomislav Stipiç në drejtimin e Grashopërsit, njeriu që erdhi mes një zhurme të madhe, duke përjashtuar 5 futbollistë nga ekipi. Mes tyre gjendej edhe Arlind Ajeti, megjithëse mbrojtësi shqiptar kishte bindur me nivelin që ka treguar në ekipin zviceran.
Tashmë drejtimin e skuadrës që gjendet në vendin e fundit të Zvicrës, e ka marrë Uli Forte. Një nga vendimet e para që ka marrë ky trajner, ishte rikthimi i Ajetit që ka ardhur pas takimit mes tyre, e do të ndodhë që në ndeshjen ndaj Bazelit. Madje për futbollistin e Kombëtares, Forte ka dalë edhe kundër vendimit të Stipiç:
“Ajeti ka kaq shumë eksperiencë, pasi ka luajtur shumë ndeshje në një nivel të lartë. Unë kam folur më të dhe më duhet eksperienca e tij tani. Nuk duhej të ishte lënë jashtë skuadrës”, ka thënë Forte. /Shqiperia.ch/