Nuk është gjithmonë e nevojshme që stadiumi të jetë i mbushur plotë me tifozë shqiptarë, që njerëzit të ndiejnë emocione gjatë kohës që luan Kombëtarja.
Vetëm 4.000 ishin në “Elbasan Arena”, në një stadium i cili është pa akustikë dhe të gjithë protagonistët e atij takimi, e ndien drithërimën e tifozëve. Trajneri i Izraelit në përfundimin e takimit, kërkoj që të merreshin leksione nga Shqipëria, duke u shprehur se këta të fundit janë edhe me të fortë me tifozët.
Nga ana tjetër, nuk ishte vetëm Hercog ai që u përfshi nga emocionet në “Elbasan Arena”. Spikeri i stadiumit, teksa ishte dukë bërë prezantimin e ndeshjes, nuk i tejkaloi dot emocionet e tij, aqsa për një moment e shfrenoi disi imagjinatën me ngatërrimin e vitit: “Shqipëria kërkon Europianin 2040”. /Shqipëria.ch/