Jahmir Hyka është rikthyer në formën e tij më të mirë, teksa ka shënuar 2 gola për ekipin e Makabi Netanja, në atë fitore të marrë gjatë ditës së sotme me rezultatin 3-1 ndaj Hapoel Hadera. Por përtej këtyre realizimeve, futbollisti shqiptar nuk po kalonte momente të mira në ambientin e ri.
Kjo është për shkak të dëmtimeve të shpeshta të Hykës, duke munguar për një kohë realtivisht të gjatë në fushën e blertë. Menjëherë pas përfundimit të ndeshjes, lojtari i Kombëtares është shprehur: “Unë e dija se kishte pritshmëri të mëdha për mua dhe që në fillim e dija se do të më duhej kohë, kisha katër muaj pa luajtur derisa erdha këtu. Jam i lumtur për 2 golat dhe lojën e mirë. Sigurisht, presin shumë nga mua, por ndonjëherë është e vështirë dhe nuk arrihet më e mira. E rëndësishme është që po përmirësohem në çdo ndeshje”, ka thënë Hyka. /Shqiperia.ch/