Enea Mihaj zgjodhi t’i bashkohej Kombëtares në kohën kur te kuqezinjtë erdhi Panuçi, ndërsa më parë ky mbrojtës i ka thënë 7 herë “JO” Shqipërisë. Një sinqeritet të madh do të kishte lojtari edhe para pak javësh, duke u shprehur te mediat greke se erdhi me Kombëtaren tonë, pasi i mungoi ftesa nga Greqia.
Pra për tifozët shqiptarë nuk është një futbollist që gëzon një simpati të madhe, por këtë “inat” e shuan disi merkato verore. Pas mbrojtësit shqiptar janë vendosur ekipe të njohura në Europë, madje që në merkaton dimërore.
Sipas asaj që raporton “Gazzeta.Gr”, Benfika, Napoli dhe Lech Poznan kërkojnë të marrin Mihajn në merkaton e verës. Një interesim nga gjigandët portugez ishte edhe në janar, por vetë mbrojtësi vendosi që të vazhdonte në Greqi, për të parë më mirë situatën deri në mbylljen e sezonit. /Shqiperia.ch/