Kombëtarja shqiptare do të shkojë në Rinas, për të nisur udhëtimin drejt Frankfurtit. Atje do të kryhet edhe stërvitja e rradhës e trajnerit Reja, sa i përket përballjes ndaj Islandës. Kjo ishte një zgjedhje e vetë italianit, që nisur nga klima e përafërt mes kundërshtarit të rradhës dhe Gjermanisë, të mendojë për një axhendë të tillë.
Atje do të praktikohen edhe skemat e vërteta për përballjen me Islandën, pasi deri tani lojtarët kanë punuar pak në anën taktike në “Tropikal”. Në orën 09:00 do të bëhet edhe nisja e kuqezinjve, ndërsa në orën 17:00 është programuar edhe stërvitja e parë në Frankfurt. /Shqiperia.ch/