Eros Grezda do të largohet nga skuadra e Rangersit dhe këtu nuk ka shumë vend për dyshime. Sulmuesi shqiptar u la jashtë grumbullimit të skocezëve në Portugali, atje ku lojtarët e Gerrardit po përgatiten për sezonin e ardhshëm.
Nga ana tjetër, largimi i Grezdës nuk do të jetë edhe kaq i thjeshtë nga skuadra që është pjesë. E ndodhur përballë presionit të vazhdueshëm të ambientit përreth, që e cilëson një dështim total marrjen e Grezdës duke parë statistikat, Rangersi kërkon ta mbyll sa më mirë këtë çështje.
“Express.co” shkruan se në lidhje me këtë rast, drejtuesit e kësaj skuadre do të mundohen që të marrin lekët e shpenzuara për Grezdën, që shkonte në vlerën e 2 milionë eurove. Deri atëherë, do të pritet se cila prej ofertave do t’i afrohet më shumë dëshirës së Rangersit. /Shqiperia.ch/