Malaga ka fituar me rezultatin 3-0 ndaj Elches, në takimin e fundit të kampionatit spanjoll në ”Segunda Division”. Skuadra ku aktivizohet edhe Keidi Bare, ka përfunduar në vendin e tretë këtë sezon, ndërsa ka një shans në fazën “Play-Off” për të diskutuar ngjitjen në “La Liga”.
Mesfushori shqiptar ishte lënë jashtë listës nga trajneri Sanchez. Vendimi erdhi qëllimisht, pasi Bare nuk mund të luante në ndeshjen e rradhës të fazës “Play-Off”, nëse do të ndëshkohej me karton të verdhë ndaj Elches. Duke parë natyrën dhe mënyrën sesi luan lojtari shqiptar, padyshim që me shumë gjasa do të mungonte për ndeshjen e rradhës dhe që ka vlerën e një sezoni. /Shqiperia.ch/