Vetëm pak orë na ndajnë nga takimi i Islandës dhe Shqipërisë, që është i vlefshëm për kualifikueset e Europianit. Duke marrë parasysh mënyrën sesi trajneri Reja është stërvitur së fundmi me grupin e lojtarëve, gjithçka është e qartë sa i përket formacionit.
Në prapavijë ka vetëm një surprizë, atje ku vendin e Mihajt e ka marrë Frederik Veseli. Pjesa tjetër e futbollistëve është ajo që u parashikua më herët, ndërsa është vendosur edhe balotazhi i sulmit. Balaj dhe Cikalleshi duket se i kanë marrë vendin Sadikut dhe Uzunit, për të luajtur nga minuta e parë.
Nisur nga forma e treguar në kampionatet respektive, dy futbollistët e fundit kanë më shumë përparësi e meritë për të qënë në fushë, prandaj mund të konsiderohet edhe si surprizë. Megjithatë mbetet të shihet, nëse e gjitha kjo është edhe një lojë e trajnerit Reja me mediat, për të mos i hapur kartat më shumë seç duhet. /Shqiperia.ch/
Berisha
Ismajli-Dërmaku-Veseli
Hysaj-Aliji
Xhaka-Basha-Kaçe
Cikalleshi-Balaj