Lista e Shqipërisë do të publikohet dhe zyrtarizohet në orën 11:00 ditën e nesërme nga ana e trajnerit Reja, që do të argumentojë në “Tropikal” zgjedhjet e bëra. Teksa na ndajnë edhe pak orë, mediat zbulojnë disa surpriza të mëdha.
“Televizioni Klan” raporton se Lorenc Trashi dhe Bruno Telushi do të qëndrojnë në Shqipëri, për të mos udhëtuar me Kombëtaren në Islandë. Ata nuk do të jenë pjesë e listës përfundimtare të lojtarëve, që do të grumbullohen për dy takimet e rradhës.
Gjithashtu konfirmohet edhe mungesa e Thomas Strakoshës, që nuk ia ka dalë të jetë gati pas dëmtimit të pësuar. Një ndryshim nga herët e fundit, është afrimi i mbrojtësit të Veronës, Marash Kumbulla. Ky i fundit është grumbulluar edhe në ekipin e parë të italianëve, që luajnë finalen e “Play Off” për të mbërritur në Seria A. Ndërsa risia e fundit e Panuçit, mesfushori Kristi Qose, do të gjendet sërish në listën e Rejas. /Shqiperia.ch/