Një nga lojtarët e rinj më të spikatur në sezon që lamë pas në kampionatin turk, është edhe futbollisti me origjinë shqiptare, Eljif Elmas. Ky i fundit është pjesë e një prej gjigandëve turq, siç është skuadra e Fenerbaçes. Këtë vit mesfushori me origjinë shqiptare ka mundur të aktivizohet plot 29 ndeshje, duke realizuar edhe 4 gola.
Kjo gjë nuk mund të kalohej pa u vënë re edhe nga ekipet e tjera europiane, ku sipas të përditshmes turke “Boxer”, ekipi italian i Interit është në tratativa për të marrë shërbimet e Elmasit. Nga krahu tjetër, Fenerbaçe e vlerëson kartonin e tij për shifrën e 11 milionë eurove, gjë kjo që duket e përballueshme nga skuadra zikaltër. Duke parë se Interi ështu në ndërtim të një skuadre të re nën drejtimin e Antonio Kontes.
Kujtojmë faktin se mesfushori 19 vjeçar Elmas, edhe pse është me origjinë shqiprare, është pjesë e përfaqësueses së Maqedonisë së Veriut, ku tek këta të fundit cilësohet si një ndër lojtarët e së ardhmes. Hapa gjigandë të hedhur në pak kohë, teksa vetëm dy vite më parë luante me Rabotniçkin. /Shqiperia.ch/