Herdi Prenga nuk ka të ndalur me sukseset në kampionatin letonez, ndërsa luan me ekipin e Rigës. Pak herë shkruhet për këtë mbrojtës, aqsa mund të thuhet se askush nuk e di se ku luan ky futbollist. E papranueshme, pasi Prenga zotëron aftësi të mëdha dhe e ka treguar edhe te Kombëtarja, që meriton më shumë respekt dhe vëmendje.
Katër herë është shpallur në këtë fillim sezoni në Letoni si mbrojtësi më i mirë i javës Prenga. Në ndeshjen e sotme ku Riga barazoi në shtëpi me rezultatin 1-1 ndaj Jelgavas, goli i vetëm për vendasit erdhi nga mbrojtësi shqiptar. Pas krosimit nga goditja e këndit, lojtari kuqezi e ka dërguar topin në rrjetë, duke marrë gjithë duartrokitjen e klubit. /Shqiperia.ch/