Luzerni nuk ka mundur t’ia dalë në duelin e Europës kundër Olimpiakosit, duke iu dorëzuar kundërshtarëve grek pa kushte. Me rezultatin e përgjithshëm 7-1, aventura e Luzernit është mbyllur në Europë në një takim që la pak për t’u diskutuar.
Megjithatë “ngushëllimi” i vetëm i ekipit zviceran ishte Shkëlqim Demhasaj. Sulmuesi shqiptar arriti të shënonte golin e vetëm për Luzernin, duke e ndalur topin në trekëndësh dhe duke mos i dhënë mundësinë portierit kundërshtar për të evituar atë gol të pësuar.
Demhasaj ka luajtur vetëm për Shpresat e Zvicrës dhe është një nga futbollistët që po kërkohet me ngulm nga Panuçi, megjithatë edhe trajneri Shalandes po bën gjithçka që sulmuesi të zgjedh Kosovën. /Shqipëria.ch/